Танд энэ өдрийн мэндийг дэвшүүлье!

Өнөөдөр нэг нэгийгээ шүүмжилж бараг үзэн ядах нь бидний өдөр тутмын амьдралын энгийн хэмнэл болж хувирч буй үед ажилдаа эергээр хандаж, нэг нэгэндээ итгэж хүндэтгэлтэй харьцаж сурах нь өнөөгийн нөхцөлд монголчууд бидний хувьд бараг ховордсон үзэгдэл болчихсон байгаа. Энэ урьхнаас гарахын тулд өнөөдөр бидэнд өөр сэтгэлгээ, нэг нэгэндээ итгэх итгэл, эерэг хандлага зэрэг тулгуурласан шинэ соёл агаар мэт хэрэгтэй юм.

Нэг нэгэндээ итгэж хүндэтгэж сурна гэдэг бол өнөөгийн нөхцөлд монголчууд бидний хувьд шинэ үнэт зүйлсийг бий болгохтой адил юм. Энэ нь цаад утгаараа бол шинэ соёл хөгжүүлнэ гэсэн үг юм юм. Мэдлэг боловсрол олж авах, ёс зүйтэй амьдрах нь сайхан хэрэг гэдгийг бидний ухамсарт төлөвшүүлж байж бид живж буй намгаасаа гарах юм.

Нийгэмд шинэ соёл бий болгоход хувийн хэвшлийн оролцоо хамгийн өндөр байна гэж үздэг тул хувийн хэвшлийн хөгжлийг дэмжихэд чиглэгдсэн мэдээлэл бүхий вэбсайт байх хэрэгтэй гэж үзсэн болно.

Уг вэбсайт нь хувийн хэвшлийн хөгжилд тулгарч буй асуудлыг шийдвэрлэхэд тус нэмэр болох үүднээс мэргэжлийн ба менежментийн чиглэлийн мэдээллийг үнэ төлбөргүй нийтэд түгээх, холбогдох онолын ойлголтуудыг дэлгэрүүлэх төдийгүй уг вэбсайт нь эдгээр асуудлыг өргөнөөр хэлэлцүүлэх боломжийг олгох, бизнес эрхлэгч ба сонирхогчид хоорондоо туршлага хуваалцах, бусдаас суралцах боломжийг олгох зориулалттай олон нийтэд нээлттэй эх үүсвэр болох зорилготой юм.

Таны ажил үйлс өөдрөг байх болтугай!

Advertisements